Davao City – Gitin-aw sa Police Regional Office XI nga sa mga police stations ug kampo lang gipatuman ang ‘No vaccination card, No Entry’ rule ug dili sa tanang quarantine control points (QCPs).
Sa interbyu sa DXDC RMN Davao kang Police Major Eudisan Gultiano, PRO XI spokesperson, adunay designated areas aron i-cater ang mga nagkinahanglan og police assistance o concerns sa mga kliyenteng dili bakunado.
Gitataw sa PRO XI, dili kini diskriminasyon sa unvaccinated apan proactive measures kini karon sa PNP tungod sa padayong pagsutoy sa COVID-19 cases.
Gibutyag niini nga pangitaon sa QCP ang vaccination card, apan sa mga unvaccinated tugotan gihapon kining maka-agi.
Sumala ni Gultiano, wala pay policy o ordinansa nga gi-isyu sa matag Local Government Units (LGU) diha sa pag-require og vaccination cards sa mga QCPs o border control points.
RadyoMaN Aimee Guinita
Facebook Comments
