Davao City – Hugot nga gipahinumduman sa Police Regional Office XI (PRO XI) ang pagpatuman sa One Strike Policy sa mga dili gayod maaksyunang indiscriminate firing karong holiday season.
Gibutyag ni Police Major Eudisan Gultiano, PRO 11 spokesperson, hatagan og 24 oras ang tanang station commanders ug chief of police nga masolbad ang mga indiscriminate firing partikular na kung adunay mamatay sa insidente.
Ma-relieve gilayon sa ilang mga posisyon ang mga commanders ug mag-atubang og kasong administratibo.
Samtang, walay muzzle taping sa mga buka sa pusil sa mga pulis karong holiday season tungod kay magpadayon ang ilang intensified sa anti-criminality and law enforcement operation.
Gipasabot ni Gultiano, lisod alang sa mga pulis sa pagpatuman sa ilang mga trabaho kung tabunan ang ilang mga armas.
RadyoMaN Aimee Guinita
Facebook Comments
