Atol sa AFP-PNP Press Conference gahapon July 10, 2024, gibutyag ni PRO XI Spokesperson Police Major Catherine Dela Rey nga makadani ang milyones nga patong sa ulo ni Quiboloy ug dako ang tyansa nga makatabang ang maong kantidad.
“Naay possibility kung naay muhatag og information kay encouraging man kaayo ang dakong kwarta nga madawat sa makahatag og impormasyon nga madakpan si Ptr. Quiboloy ug lima kakaubanan. Kay sa history man gud sa wanted persons, dako ang chance nga ma-arrest sila,” segun pa ni Dela Rey.
Dugang pa sa opisyal nga bisan unsang orasa, pwede mu-follow up og arrest warrrant ang kapulisan apan naglisod lang gyud sila tungod walay nasayod sa gikahimutangan ni Quiboloy.
Kahinumdoman nga niadtong July 8, 2024, gianunsyo sa DILG nga makadawat og P10 million ang indibidwal nga makahatag impormasyon kalabot sa pastor ug tag P1 million sa lima pa ka kauban niini nga parehong akusado sa kasong child abuse ug qualified trafficking.
RadyoMaN Ivy Parido
