Davao City – Gihagit sa Police Regional Office (PRO) XI si Ptr. Apollo Quiboloy nga kung aduna kining gugma sa iyang mga miyembro, angayan na niining mutahan ug di na paantuson pa ang tibuok Kingdom of Jesus Christ (KOJC).
Sa press briefing gahapon, nanghanyo si Police Major Catherine Dela Rey, Spokesperson sa PRO 11 sa sakop sa KOJC nga awhagon ilang religious leader nga si Ptr. Apollo Quiboloy nga mu-surrender nalang tungod hatagan man matud pa kini og higayon nga ipasibaw usab iyang bahin kalabot sa maong akusasyon aron mahuman na ang kalbaryo sa duha ka kampo.
Segun ni Dela Rey nga ang pagtago-tago karon ni Quiboloy nakahatag matud pa og emotional stress sa iyang mga miyembro aron lang siya protektahan.
Apan baruganan sa mga miyembro nga dili angay mutahan ilang pastor tungod wala man kini sala ug wala matud pa kini angay pamatud-an.
Radyoman Ivy Parido
Facebook Comments
