Davao City – Nagpahimangno ang Police Regional Office (PRO)-XI nga dili magpanuko ang kapulisan sa pag-aresto sa mga malapason kun violators sa health and safety protocols batok sa Coronavirus Disease 2019 (COVID-19) labi na sa mga partygoers sa holiday season.
Atol sa One Davao on COVID-19 Virtual Presser, gibutyag ni Police Major Eudisan Gultiano, PRO-XI Spokesperson nga hugot ug istrikto nga ipatuman sa kapulisan sa entero rehiyon ang mando ni PNP chief Police General Debold Sinas sa pag aresto sa partygoers human nga gidili ang parties/mass gatherings panahon sa holiday season aron kalikayan ang COVID-19 transmission.
“Aasahan nyo po na ang ating mga kapulisan ay i-implement po (nila) ‘yung health protocols. I-expect po ninyo na maging strikto at ‘pag nahuli po kayo, talagang we will file a case against you,” pahimangno ni Gultiano.
Hinuon, giklaro sa PRO-XI Spokesperson nga walay problema ang pagbaton og private dinner sa holiday season uban lamang ang miyembro sa pamilya, basta wala lay laing imbitahon nga posible’ng magdala o carrier sa COVID-19.
RadyoMaN Kirby Manzon
