Sa interview sa DXDC RMN Davao kay Police Major Catherine Dela Rey, ang Spokesperson sa PRO XI, iyang gipanigurado nga ‘generally peaceful’ ang rehiyon onse ug luwas gihapon kining puy-an.
“In overall, generally peaceful ang Davao Region. Naa lay mga isolated cases pero not in any way nga nakaguba sa gina-experiece nato nga peace in order sa whole Davao Region,” pagpaklaro pa ni Dela Rey.
Kini human gikabalak-an sa katawhan ang upat ka patay’ng lawas nga napalgan sa Davao de Oro, sunod-sunod nga pagpamusil sa Tagum City ug walay undang nga droga sa Davao City.
Gipanaad sa opisyal nga sundon gyud sa kapulisan ang mandato karon sa PRO XI nga 99% crime prevention ug 1% crime solution pinaagi usab sa pagpakusog sa relasyon sa kapulisan sa komunidad ug pagmuntar og dugang pulis sa matag barangay.
RadyoMan Ivy Parido
