Gibutyag ni Police Major Eudisan Gultiano, Police Regional Office XI spokesperson adunay 8 ka mga munisipalidad nga gitudlong Election Areas of Immediate Concern, sa Davao de Oro: Mabini, Maco, Maragusan, Montevista, New Bataan ug Pantukan samtang sa Davao del Sur: Kiblawan ug sa Davao Oriental: Lupon.
Samtang, 8 usab ka musipalidad ang gipailawom sa Election Areas of Concern
sa Davao del Sur: Malalag, Hagonoy, Matanao, Magsaysay, Sta. Cruz, Padada, sa Davao de Oro ang Monkayo ug Davao del Norte: New Corella.
Matud ni Gultiano, gimanduan na ni PRO XI Regional Director PBGEN. Benjamin Silo Jr., ang tanang Provincial Directors ug City Directors nga tutukan ang ilahang mga area of responsibility aron masiguradong walay mahitabong mga violence.
Giklaro ni Gultiano nga walay grave threat o walay angay ikabalaka sa maong mga lugar nga gipailawom sa Election Areas of Concern.
Nagdugang og deployment sa mga personnel ug checkpoint sa mga nasangpit usab nga mga lugar sa Davao ug adunay mamahimong adjustments ilabina kung adunay ipahigayong mga campaign rallies.
RadyoMaN Aimee Guinita
