PRO XI: Seguridad sa eleksyon gipangandaman

27

Davao City- Giplastada na sa kapulisan sa Davao Region ang seguridad alang sa umaabot nga Eleksyon 2022.

Kini sumala ni Police Regional Office XI Regional Director PBGen. Filmore Escobal.


Gibutyag ni Escobal gi-intensify sa PRO XI ang ilahang monitoring ug kampanya batok sa mga Private Armed Groups, criminal gangs ug gun for hire groups.

Gipahimangnuan niini ang mga pulitiko nga dili mu-hire og mga PAGS tungod ilaha kining gukdon.

“I urged them (politicians) let’s abide by the rules and let’s be fair, mao na siya ang among objective sa taliabot nga eleksyon nga mahimong level ang playing field ug ma-express sa mga botante ang ilahang gustong pilion without fear and intimidation kay mao nay essence sa demokrasya,” segun ni Escobal.

Segun ni Escobal, kung aduna silay mamonitor nga mga Private Armed Groups sa ilahang gilusad nga intelligence gathering apply-an nila kini’g search warrant ug bungkagon nila ang mga safe houses aron dili na sila mapahimuslan.



RadyoMaN Aimee Guinita


Facebook Comments