Sa interview sa DXDC RMN Davao kang Police Major Catherine Dela Rey, Spokesperson sa PRO XI, gibutyag niini nga ang maong mga insidente, parehong isolated case ug wala nakaapekto sa seguridad ug kalinaw sa rehiyon onse.
“Isolated cases man gihapon na like kadtong nahitabo didto sa Samal. Wala man siya naka-affect sa whole security sa whole Davao Region. Gipaningkamutan man pud nila dayon ilabi na sa Samal Police Stations nga ma-solve dayon ang kaso,” sulti ni Dela Rey.
Kahinumduman nga kabsan sa kinabuhi ang duha ka menor de edad human giingong naalaan nga mga kawatan sa Brgy. Camudmud, Babak District, Samal niadtong June 23, 2024. Ug laing waiter sa bar nga gipusil-patay sa Brgy. Mankilam, Tagum City gahapon sa kadlawon, June 25.
Segun ni Dela Rey nga nagpadayon ang pilot implementation sa 3-minute response rule sa Davao City Police Office (DCPO) nga dalaon usab sa PRO XI ngadto sa mga Police Provincial Office.
RadyoMaN Ivy Parido
