Davao City – Dili gayud malikayan nga mapugos sa paggamit sa tanang lehitimong medyos ang kapulisan aron pag-disperse sa mga ‘unruly rioters’ kalakip ang bag-ong gadget gitawag nga ‘Long-Range Acoustic Device’ kun L-RAD.
Sa interbyu sa tulumanong ‘Straight to the Point,’ gibutyag ni PRO-XI spokesperson Chief Inspector Ma. Andrea dela Cerna nga gimandoan sila nga likayan ang paggamit og firearms o ang makapanakit sa mga rioters.
Kun mosi-aw na unya ang mga demonstrador, moresulta kini sa paggamit sa ‘sonic weapon’ kun ‘sound cannon’ aron pagmentena sa kahapsay ug kalinaw diha sa mga rally venues apan pinasikad gihapon sa standard law enforcement policy nga ‘maximum tolerance.’
Giklaro usab ni dela Cerna nga ang LRAD usa ka ‘non-lethal weapon’ na dili makapanakit sa mga rallysts diin nakalatid kini diha sa ilang Police Operational Procedure sa panahon nga gikinahanglan na ang crowd dispersal.
RadyoMaN Jason Amisola
