Davao City- Giimbestigahan sa Police Regional Office (PRO) XI kung asa ang source sa nakasulod nga milyones nga party drugs sa Davao Region nga nasakote sa mga operatiba atol sa gilusad nga drug buy-bust operation sa Barangay Pindasan, Mabini, Davao de Oro niadtong Nobyembre 6, 2021 adlawng Sabado.
Sa interbyu sa RMN Davao kang Police Major Eudisan Gultiano, ginasubay sa mga awtoridad asa ang point of entry o istilo sa mga kriminal sa pagpasulod niini sa rehiyon.
“Ating iniimbestigahan o inaalam kung paano at ano ang istilo para maipasok nila itong illegal drugs especially ngayon party drugs na naman. Inaalam natin kung saan galing ang mga droga na ito,” sumala ni Gultiano.
Gibarugan sa PRO XI nga walay laboratoryo o sa Davao Region mismo naggikan ang maong mga ecstasy.
Samtang, kahinumduman nga ang nagkantidad usab sa milyon nga ecstacy nga nasakmit sa Philippine Drug Enforcement Agency (PDEA) Region XI niadtong Pebrero naggikan pa kini sa Germany ug atol sa controlled delivery operation malampusong naaresto ang duha ka mga suspek.
RadyoMaN Aimee Guinita
