Davao City – Magpatuman og maximum tolerance sa mga raliyista ang Police Regional Office 11 (PRO-XI) atol sa adlaw sa mga mamumuo karong adlawa.
Sumala sa PRO XI, naka-standby ang mga Civil Disturbance Management (CDM) units aron mobantay sa mga himuong mga rallies.
Mamahimong pangarestohon ang mga malapasapon kung musangpot na sa kagubot ang himuong mga lihok protesta.
Gitugutan ni Pres. Rodrigo Duterte pinaagi kang Philippine National Police (PNP) Chief Director General Oscar Albayalde ang rally basta lamang himuon kining hapsay ug malinawon.
Gi-engganyo usab sa kapulisan ang tanan nga musubay sa balaod isip paghinumdom sa mga bayaning mga laborers hilabi na mga OFWs nga nisakripisyo sa ilang mga kinabuhi para sa ilang mga pamilya, ug nagsilbi usab silang dakong tabang sa kalambuan sa ekonomiya sa nasud.
RadyoMaN Aimee Guinita
