Davao City – Gitutukan karon sa Police Regional Office 11 (PRO-XI) ang tulo ka mga lugar sa Rehiyon 11 gumikan sa election related violence.
Sumala ni PRO-XI Deputy Regional Director P/Sr. Supt. Nolasco Bathan, gitutukan nila ang Davao Oriental, Compostela Valley Province ug ang Davao del Sur.
Segun ni Bathan nga sa Davao Oriental adunay gipusil nga barangay kagawad ug pagpang-kidnap sa usa ka barangay chairman niadtong tuig 2016 sama usab sa shooting incident sa Comval ug barangay chairman sa Davao del Sur.
Subay niini, gikumpirma sa deputy officer nga walay gimugna nga Special Task Group dinhi sa Davao region tumong nga motutok sa seguridad sa eleksyon sama sa gimugna ni PNP Chief Oscar Albayalde sa kaulohan.
RadyoMaN Jason Amisola
Facebook Comments
