Davao City – Gitubag na ni Police Regional Office (PRO) XI Director Nicolas Torre III ang pangutana sa konseho kalabot sa pagka-relieve sa pwesto sa 19 police personnel sa Davao City Police Office (DCPO).
Atol sa regular session sa 20th City Council gahapon, July 23, 2024, gibutyag ni Torre nga wala siya’y ‘choice’ sa mass relief ug pag ilis-ilis og hepe sa DCPO tungod nagsunod lamang siya sa sugo sa Philippine National Police (PNP) headquarters.
Mitambong usab sa session si DCPO Acting Chief Colonel Hansel Marantan kinsa matud pa wala sa listahan ni Mayor Baste nga maoy mudumala sa kapulisan sa dakbayan.
Kahinumdoman nga niadtong nakalabay nga session, nagduso si Councilor Luna Acosta og resolusyon nga nag-demand sa PNP, kang Torre, Marantan ug DILG aron tubagon ang panawagan sa katawhan nga matubag ang aksyon nga gibuhat sa PRO XI.
RadyoMaN Ivy Parido
Facebook Comments
