Sa interview sa DXDC RMN Davao kang PRO XI Spokesperson Catherine Dela Rey, iyang gipanigurado nga wala sila’y nakita nga nisupak sa mga balaod nga daan nang gipahibalo sa COMELEC sama sa gun ban ug premature campaigning ug siya nanghinaut nga kini nga kalinaw mulungtad hantod sa ulahing adlaw sa pag file of COC karong September 2, 2023.
Lauman nga magmuntar pa ang PRO og mas hugot pa nga seguridad sa dakbayan subay sa umaabot nga Barangay and Sanguniang Kabataan Election (BSKE) karong Oktobre 30, 2023 diin sila magtagtag og mga personahe sa PNP nga maoy magbantay sa kahapsay ug kalinaw sa adlaw sa pinilay.
“Enough man atong security personnel na ideploy during sa Barangay ug SK Elections. Minimum of 2 PNP personnel ang atong ideploy sa mga polling places,” segun ni Dela Rey.
RadyoMaN Ivy Parido
