PRO XI, wala nagpatuman og quota system

Davao City – Dili apektado ang moralidad sa Police Regional Office (PRO-XI), luyo sa kontrobersiya nga mibalot karon sa mga pulis sa kaulohan ug usa na niini ang giingong fake accomplishment, diin sagad sa mga nadakpan giingong gitamnan og ebedinsya ug ang nakita nga hinungdan niini mao ang gipatumang quota system sa mga estasyon sa kapulisan.

Sumala ni PRO XI Spokesperson Police Major Catherine Dela Rey, ang rehiyonal nga buhatan ilawom sa mando karon ni Regional Director Brigadier General Alden Delvo, wala nagmando sa iyang mga ginsakpan og quota system, busa masaligan ug katohoan gayod ang ginapasa nga accomplishment report sa PRO-XI.

Bisan ang PNP- Regional Internal Affairs Sevices, walay nakitang sayup sa operasyon sa kapulisan, sanglit nasunod gayod sa mga operatiba ang Standard Operating procedure (SOP) ug Rules of Engagement sa matag operasyon sa kapulisan.

Sa miaging semana, mibisita sa rehiyonal nga buhatan ang mga evaluators gikan sa Kampo Krame ug naglusad og evaluatiton sa report sa mga accommplishment ug nasuta nga walay nakitang mga binuang sa trabaho sa kapulisan sa region 11.

Usa kini ka rason kung nganong napili isip Best Regional Police Office sa entero nasod, ang PRO- XI.

RadyoMaN Joel Viray