Davao City – Gikumpirma ni Police Major Catherine Dela Rey, ang spokesperson sa Police Regional Office (PRO) XI atol sa interview sa DXDC RMN Davao nga wala pa’y gipagulang direktiba si Regional Director Nicolas Torre III kalabot sa pag-abri og balik sa imbestigasyon sa Bragas rape-slay case ug missing kasambahay nga si Saldua.
Kini human sa mga storyang mikatag karon nga imbestigahan og balik ang maong mga kaso.
Kahinumdoman nga niadtong May 2023, napalgang patay si Architect Vlanche Marie Bragas sa sagingan nga bahin sa Dacudao, Calinan, Davao City nga kumpirmadong gilugos una gipatay. Samtang si Justine Saldua usab, usa ka katabang nga taga Davao de Oro nga mag-usa ka tuig na nga missing karong Agosto 2024.
Hinuon, abri ang PRO XI sa paglihok kung unsa man ang mamahimong mando ni RD Torre.
RadyoMaN Ivy Parido
Facebook Comments
