Davao City – As of 9:21 karong buntaga, ‘zero casualty’ ang syudad sa Davao ug entero Region XI kun hisgotan ang gitawag nga ‘indiscriminate firing’ kun ‘illegal discharge of firearms’ panahon sa pagsaulog sa New Year’ Eve.
Sa pakighinabi sa media, gipaambit ni Police Regional Office (PRO-XI) spokesperson Police Chief Insp. Andrea dela Cerna nga walay silay nadawat nga mga report nga nagpabuto sa mga armas de fuego or bin ba kaha naigo o nabiktima sa stray bullets.
Hinoon, gisulti ni Dela Cerna nikumpirma nga adunay mga tawong nasita ug nakumpiskahan ug mga kontrabando gumikan sa paghupot kun pagtenir sa gitawag nga ‘illegal firecrackers’ nga hugot gidili sa balaud.
Ilawom sa Executive Order 28 nga gipirmahan ni Pres. Rodrigo Duterte, gitagana ang mga reglamentos kalabutan sa ‘regulated, controlled use of firecrackers and other pyrotechnic devices.’
Sa susamang orden, gilatid nga ang pag-utilisar sa firecrackers kun pabuto gikinahanglang i-confine lamang dinha sa gitawag nga ‘fireworks zones’ ug ‘community fireworks display’ areas aron ma-minimize kon dili man gani hingpit nga maundang ug malikayan ang risgo kalakip ang mga injuries ingon man mga casualties.
Padayon pang gi-collate o gi-consolidate karon sa kapulisan sa rehiyon ang pinal nga talaan sa mga insidente kalambigit sa selebrasyon sa bag-ong tuig.
RadyoMaN June Duterte
