Davao City – Hugot ang pakig-alayon sa Police Regional Office (PRO) XI sa Civil Aviation Authority of the Philippines (CAAP) Davao ug Bureau of Immigration (BI) aron ma-monitor ang Philippine Offshore Gaming Operators (POGO).
Atol sa AFP-PNP Press Conference gahapon, June 26, 2024, gikumpirma ni PRO XI Spokesperson Police Major Catherine Dela Rey nga walay namatikdang POGO sa rehiyon onse ug ang naharang nga Chinese National kinsa manager sa na-raid nga POGO hub sa Pampanga, kutob lang sa airport ug wala gyud nakasulod sa syudad.
Kahinumdoman nga niadtong June 23, 2024, usa ka Zhang Jie ang nadakpan sa airport kinsa musibat unta padulong sa China.
Gisuwayan usab sa DXDC RMN Davao og kuha ang bahin sa Bureau of Immigration apan wala na sila naghatag pa sa kompletong detalye ug misulting ang Chinese anaa na sa kustodiya sa BI Warden’s Facility samtang giandam ang kaso ipasaka batok kaniya.
RadyoMaN Ivy Parido
Facebook Comments
