Davao City – Giklaro karon sa Police Regional Office (PRO-XI) nga aduna lamay ubang lugar sa Davao Region ug dili tanan ang gitugtan nga magpahigayon sa ‘community fireworks display’ atol sa pagsaulog sa bag-ong tuig.
Sumala ni PRO XI spokesperson PCI Andrea dela Cerna imbes nga magpabuto, mas maayong ipalit nalang og mahikay sa selebrasyon sa bag-ong tuig gumikan ‘total ban’ ang Davao City sa paggamit og firecrackers.
Dugang ni dela Cerna, manubag usab ang mga miyembro sa kapulisan nga masakpang magpabuto sa ilang mga armas kun ‘indiscriminate firing’ diin malagmit mosangpot usab sa kamatayon sa mga inosenteng sibilyan gumikan sa stray bullets.
Samtang giawhag usab sa tigpamaba sa PRO XI nga videohan ug ipadala online sa facebook page sa PRO-XI ang mga makit-ang malapason sa ‘firecracker ban’ ning syudad aron daling marespondehan sa kapulisan alang usab sa mas luwas nga pagsaulog ning okasyon.
RadyoMaN Jason Amisola
