*General Santos City— Padayon ang ginahimong imbestigasyon sa Criminal Investigation and Detection Group kon CIDG sa Police Paluwagan Movement kon PPM scam kung asa anaa sa dul-anduha ka bilyon ka pesos ang nawala sa han-ay sa kapulisan.*
*Sumala kang Police Col. Oliver Enmodias, Deputy Regional Director For Operation sa PRO 12 nga sa kasamtangan aduna nay ginahimo nga parallel investigation ang Police Regional Office 12 ug ang CIDG aron masayran ang ugat-hinungdan ug kung kinsay mga nagpaluyo sa maong PPM scam bisan pa man nga gihinganlan na ang usa ka Sheila Agustin nga sumala pa founder niini.*
*Pag-angkon niini nga matag pulis nga gihinganlan sa maong scam ang adunay managlahing partisipasyon ug kini ang ilaha pang ginasuta pinaagi sa maong imbestigasyon.*
*Sumala niya nga gawas sa direktiba sa kapulisan nga bantayan ug protektahan ang katawhan, ilaha usab kining gina-apply sa ilahang mga kaubanan aron masigurong dili malambigit sa unsa mang illegal nga aktibidad!*
