CAUAYAN CITY – NAGPAALALA ANG POLICE REGIONAL OFFICE 2 SA PUBLIKO HINGGIL SA LUMALAGANAP NA PARCEL SCAM SA REHIYON.
AYON SA IMPORMASYON MULA SA PRO2, KARANIWANG GINAGAMIT NG MGA SCAMMER ANG EMAIL, TEXT, TAWAG SA TELEPONO, O SOCIAL MEDIA UPANG MAKIPAG-UGNAYAN SA KANILANG TARGET.
NAGPAPANGGAP SILANG MGA DELIVERY PERSONNEL O KOMPANYA NG COURIER AT NAGSASABI NA MAY PARCEL NA KAILANGANG BAYARAN O KUMPIRMAHIN.
GUMAGAMIT SILA NG MGA TAKTIKANG NAGMAMADALI O NAKAPIPILIT UPANG MAKUHA ANG TIWALA NG MGA BIKTIMA AT HINGIN ANG KANILANG PERSONAL NA IMPORMASYON O BAYAD.
PINAYUHAN NG PNP ANG PUBLIKO NA LAGING BERIPIKAHIN ANG PINAGMULAN NG MENSAHE O SENDER AT SURIING MABUTI ANG TRACKING INFORMATION NG PARCEL BAGO MANIWALA. HUWAG AGAD MAGPADALA NG BAYAD LALO NA KUNG KAHINA-HINALA ANG MENSAHE, AT PROTEKTAHAN ANG PERSONAL NA IMPORMASYON SA PAMAMAGITAN NG HINDI PAGBIBIGAY NG DETALYE ONLINE.
INAASAHAN DIN NG PRO2 NA AGAD NA IULAT NG MGA MAMAMAYAN SA MGA AWTORIDAD ANG ANUMANG KAHINA-HINALANG MENSAHE O TAWAG NA NATATANGGAP.
HINIKAYAT NG PRO2 ANG LAHAT NA MANATILING MAPANURI, GUMAMIT NG LIGTAS NA PARAAN NG PAGBABAYAD, AT ALAMIN ANG MGA BABALA O SCAM ALERTS UPANG MAIWASANG MABIKTIMA NG GANITONG MODUS.
