CAUAYAN CITY – ITINAAS NG POLICE REGIONAL OFFICE 2 (PRO 2) ANG FULL ALERT STATUS BILANG BAHAGI NG PAGHAHANDA SA INAASAHANG PAGTAMA NG SUPER TYPHOON “UWAN” SA NORTHERN O CENTRAL LUZON SA MGA SUSUNOD NA ARAW.
NAGSASAGAWA NA RIN ANG PRO 2 NG SERYE NG MAAGAP NA HAKBANG UPANG MATIYAK ANG KALIGTASAN NG PUBLIKO. ISA SA MGA ITO ANG OPLAN TAMBULI, KUNG SAAN INAALERTUHAN NG MGA PULIS ANG MGA RESIDENTE SA MGA BAYBAYING-DAGAT AT LUGAR MALAPIT SA ILOG NA MAGHANDA AT LUMIKAS KUNG KINAKAILANGAN.
NAKAHANDA RIN ANG REACTIONARY STANDBY SUPPORT FORCE (RSSF) NA BINUBUO NG HUMIGIT-KUMULANG 5,000 PULIS UPANG AGAD TUMUGON SA ANUMANG SITWASYON KAUGNAY NG KALAMIDAD AT PAMPUBLIKONG KALIGTASAN.
PATULOY ANG KOORDINASYON NG PRO 2 SA OFFICE OF THE CIVIL DEFENSE (OCD), MGA DISASTER RISK REDUCTION AND MANAGEMENT OFFICES (DRRMOS), AT MGA LOKAL NA PAMAHALAAN UPANG MASUBAYBAYAN ANG GALAW NG BAGYO, MAKAPAGBIGAY NG NAPAPANAHONG IMPORMASYON, AT MATIYAK ANG MAAYOS NA PAGTUGON SA MGA POSIBLENG EPEKTO NITO.
IPINAG-UTOS NI POLICE BRIGADIER GENERAL ANTONIO P. MARALLAG, JR., REGIONAL DIRECTOR NG PRO 2, ANG MAS PINAIGTING NA KAMPANYA SA PAGPAPAKALAT NG TAMANG IMPORMASYON TUNGKOL SA MGA HAKBANG SA KALIGTASAN, MAAGANG PAGLIKAS, AT MGA NUMERONG MAAARING TAWAGAN SA ORAS NG SAKUNA.
AYON KAY POLICE BRIGADIER GENERAL MARALLAG, PINAKAMATAAS NA PRIYORIDAD NG PRO 2 ANG KALIGTASAN NG BAWAT MAMAMAYAN HABANG NAGHAHANDA SA PAGDATING NG SUPER TYPHOON.
BINIGYANG-DIIN NIYA NA ANG MAAGAP NA PAGHAHANDA AT MABILIS NA PAGKILOS AY MAHALAGA UPANG MAIWASAN ANG ANUMANG PANGANIB.
