Aduna na’y bag-ong Deputy Regional Director for Administration (DRDA) ug Deputy Regional Director for Operations (DRDO) ang PRO9.
Si Police Colonel Ronaldo L Llanera, lumad nga taga Aritao, Nueva Vizcaya mipuli isip Deputy Regional Director for Administration (DRDA) ngadto kang retired Police Brigadier General Edwin S De Ocampo.
Kini si Police Colonel Llanera Deputy Regional Director for Operations ug Regional Chief Directorial Staff sa Police Regional Office 3 gikan sa 2016-2019.
Nadestino usab siya sa Police Regional Office 11 (Davao Region) isip Regional Chief of Operations, Chief Regional Community Affairs Development Division ug Provincial Director of Davao del Sur Police Provincial Office.
Si Police Colonel Llanera myembro kini siya sa Philippine National Police Academy’s Tagapagtaguyod Class of 1988. Classmate kini siya ni kanhi DRDO sa PRO9, Police Colonel Narciso B Verdadero.
Niadtong bulan sab sa abril si Police Colonel John G Guyguyon, gibutang usab isip bag-ong Deputy Regional Director for Operation (DRDO) puli kang Police Colonel Narciso B Verdadero kinsa nabalhin sa PNP Headquarters.
Myembro si Police Colonel Guyguyon sa PNPA Tagapagkalinga Class of ’91. Lumad kini nga taga Kiangan, Ifugao. Nahimo kini siyang Provincial Director sa Lanao del Sur Provincial Office atol sa marawi siege.
Nahimo sab kining provincial director sa Zamboanga Del Sur Police Provincial Office. Nahimo sab nga chief of staff ug sa wala madugay nahimong Deputy Director for Operations sa PNP Aviation Security Group.
Nadestino sab siya sa Criminal Investigation and Detection Group isip Chief of Anti-Transnational Crime Unit, Chief, RCIDU 9.
Ang bag-ong assignment sa duha ka mga senior officer aprubado kini ni PNP Chief, Police General Oscar D Albayalde, kini human gi rekomendar alang sa ilang promotion.
