Bag-o na karon ang Regional Director sa Police Regional Office 9, nga produkto sa Philippine National Police Academy, kagahapon kini pormal nga milingkod didto sa regional office
Ang bag-ong director mao si Police Brigadier General Froilan Flores Quidilla, gikan kini sa PNPA Tagapagtangol Class of 1987 ug kanhi Deputy Regional Director for Administration sa PRO4-B MIMAROPA, pormal na kining mangulo sa 6mil ka mga pulis sa PRO9
Gipulihan ni Police Brigadier General Froilan Flores Quidilla si Police Brigadier General Emmanuel Luis D Licup, human sa walo ka bulan isip Regional Director sa PRO9.
PBGEN Licup, myembro kini sa PMA Hinirang Class of 1987, ma destino kini sa PNP National Headquarters isip Acting Deputy Director of Directorate for Personnel and Records Management.
Gidayeg sab sa bag-ong director ang nahimong kalambuan ni PBGEN. Licup sukad kini milingkod sa PRO9 ug kini ang ipadayon ni PBGEN Quidilla
