Ang traditional nga pag obserba sa All Saints ug All Souls Day dinhi sa tibuok Zamboanga Peninsula Region hapsay ug malinawon.
Matod pa ni PRO9 Regional Director, PCSUPT Emmanuel Luis D Licup walay mga untoward incident ang natala sa nagkadaiyang sementeryo sulod kini sa duha ka adlaw nga kalihukan.
Nahimo kini nga hapsay ug malinawon matod pa ni PCSUPT Licup tungod sa sayo nga pag pagpangandam sa tanang PNP Units sa PRO9 aron ma siguro ang tanang sementeryo nga luwas alang sa mga motorista ug sumasakay, lakip na ang pampublikong lugar.
Gipasalamatan usab sa maong regional director ang mga law enforcement agencies, force multipliers, NGOs, ang local government units, kasundaluhan, ug apil na ang mga katawhan aron nga malinawon ang maong selebrasyon.
Iya usab nga gipasalamatan ang publiko tungod sa pag koopera sa mga police force sa tibuok rehiyon 9.
Kahibaloan nga gibana-bana nga mo abot sa 120,000 ka mga katawhan ang mi adto sa 203 ka mga menteryo ug memorial park sa tibuok rehiyon. Dili usab mo ubos sa 200 ka mga police assistance hub ang ge establisar sa nagkadaiyang sementeryo nga gi dumala sa 2mil ka mga police personnel.
Dugang pa nga adunay 56 ka mga kutsilyo ang naimbargo, 2 botelya sa ilimnong makahubog, ug duha ka mga prohibited items ang gikumpiska atol sa inspeksyon sa sementeryo.
