Gipahibalo karon sa Police Regional Office 9 (PRO9), nga generally peaceful ang semana santa sa tibuok Zamboanga Peninsula, tungod kay walay makapatandog sa kahapsay ug kalinaw, gawas lamang sa aksidente sa sakyanan didto sa dakbayan sa Zamboanga.
Gibutyag ni PRO9 Director Police Brigadier General Emmanuel Luis D Licup, malinawon ang semana santa tungod sa hugot ug strikto nga pagpatuman sa balaod may kalabutan gihapon kini sa “Oplan Ligtas Sumvac 2019”
Mapasalamaton usab ang director ngadto sa katawhan tungod sa pagtabang sa pagbantay niini sa mga tinugyanan sa balaod atol sa maong kalihukan.
Kung kahinumduman ang PRO9 nag deploy ug 3, 117 ka mga police Officer sa tibuok rehiyon aron pagsiguro sa kahapsay ug kalinaw sa publiko, ilabi na sa mga tourist spots.
Samtang sa laing bahin moaabot usab ug 1,628 ka mga force multipliers ug mga volunteer groups sa tibuok rehiyon
Sa datos gikan sa PRO9 nakatala ug 12 ka vehicular accidents gikan niadtong abril 17-21, 2019: upat sa Zamboanga City, lima sa Zamboanga Sibugay, duha sa Zamboanga Sibugay, usa sa Zamboanga del sur.
Maong insidente nahitabo kini atol sa semana santa nga miresulta sa pagkamatay sa upat ka mga indibidwal ug moaabot sa 40 ka mga angol.
Usa sa mga dako nga aksidente didto kini sa dakbayan sa Zamboanga nga kung diin ang PUJ adunay sakay nga 17 ka mga devotees, hinuon anaa na sa luwas nga kahimtang ang mga biktima.
Sa pikas bahin, walay natala nga mga dagkong panghitabo sa nagkadaiyang buhatan sa kapulisan sa matag lungsod sakop ning probinsya sa Zamboanga del norte.
Kini may kalabutan lang gihapon sa hugot nga pagpatuman sa mga checkpoint ug pag butang ug mga police visibility sa mga pampublikong lugar aron nga masiguro ang kahapsay ug kalinaw dinhi sa probinsya.
Kini usab ang gihatagan ug dakong pagtagad ni Zamboanga del norte Provincial Director PSSUPT Michael Macapagal, sa pagmando sa iyang ginsakupan nga kanunayng alerto matag karon ug unya ilabi na nga daghan ang mosulod gawas dinhi sa probinsya gikan sa mga lagyong lugar.
Kanunay sab nga giawhag ang katawhan nga dili magpanuko sa pagtaho ngadto sa buhatan sa kapulisan kun adunay mamatikdan nga mga kadudahang tawo o butang aron dali nga maaksyonan.
