Total de 785 familia quien ya sale afectao na Tropical Storm Vinta na Sibuco, Zamboanga del Norte ya sale beneficiao na medical mission y feeding program del Police Regional Office del Deciembre 26.
Mismo el jefe del PRO9 si Chief Supt. Billy Beltran amo el ya encavesa con el mencionao actividad donde ele personalmente ya mira el situacion del maga victima del calamidad.
El medical y feeding program del pulis ya conduci na evacuation center donde ta esta el maga afectao familia.
Si Beltran ya encabesa tambien con distribucion del maga ropa conel maga victim.
El municipio de Sibuco amo el de contodo bien afectao con el calamidad, na entero region 9.
Na report del Regional Disaster Risk Reduction and Management Council 9, ta aparese el Sibuco tiene el total de 14 confirmao muerto, 58 irido y 25 perdido maga victim.
