Kalibo, Aklan — Naghakot it pila ka mga awards rong probinsya it Aklan ag rong tatlo ka mga banwa nga Kalibo, Malinao ag Tangalan sa ginpatigayon nga Excellence in Local Governance ukon EXCELL Awards nga ginpatigayon ko December 19, 2017 sa Iloilo Convention Center.
Sa nasambit nga EXCELL Awards nahabuoe it probinsyang Aklan ro Best Performing Province, Champion, Excellence in Administrative Governance, Champion, Excellence in Social Governance ag 1st Runner Up Excellence in Economic Governance.
Nahabuoe man it banwang Kalibo ro 1st Runner Up, Best Performing Municipality (1st-3rd Class Municipality Category), Champion, Excellence it Administrative Governance ag Best Practice it Administrative Governance.
Ro banwa it Malinao hay nakabuoe man it 2nd Runner Up, Best Performing Municipality (4th-6th Class Municipality Category), 1st Runner Up, Excellence in Administrative Governance, 1st Runner Up, Excellence in Social Governance, 1st Runner Up, Excellence in Economic Governance ag 2nd Runner Up, Excellence in Environmental Governance.
Samtang rong banwa it Tangalan hay nakabaton man it award nga 2nd Runner Up, Excellence in Economic Governance.
Ro nasambit nga EXCELL Awards hay programa it DILG para sa mga LGUs agud i-rekognisar ro mga banwa, syudad ag probinsya sa pagtinguha nga maitao ro mayad-ayad nga pagpang ginobyerno sa mga pumueoyo.
(Photo DILG Aklan)
