Wala paman nagsugod ang proyekto sa *Department of Public Works and Highways (*DPWH) dinhi sa rehiyon sa Zambonga nagpasalamat ng daan ang katawhan kay ubay-ubay nga mga proyekto ang ibubo dinhi sa atong rehiyon lakip na dinhi sa atong probinsya sa Zamboang del norte.
Sa gipagawas nga mantala sa Mindanao Economic Boom (MEB) mo balor sa 25 bilyones ka pesos ang gigahin sa *Department of Public Works and Highways (*DPWH) dinhi sa atong rehiyon.
Magsugod kini karon nga tuig, 2018 hangtod tuig 2023 nga mga Infrastructure Project, kini matod pa ang gikaingon sa Philippine News Agency niadtong nakalabayng Semana.
Ang maong proyekto matod pa, gipondohan kini ug 380 milyon dolyar nga loan gikan sa Asian Development Bank (ADB).
Kini nga proyekto maka pahimulos ang probinsya sa Zambonga Sibugay, Probinsya sa Zamboanga del norte, Probinsya sa Zamboang del sur ug probinsya sa Tawi-taw.
Gilangkuban ang proyekto sa mga kongretong dalan ug mga tulay, ang mga mosunod nga lungsod mao kini; Alicia – Malangas Road, Tampilisan – Sandayong Road, Gutalac – Baliguian Road, Lutiman – Olutanga Road, RT Lim – Siocon Road, Curuan – Sibuco Road, Lanao – Pagadian – Ipil Road, ug tulo (3) ka tulay sa probinsya sa tawi-tawi.
Dako na kining tabang sa mga katawhan nga nanimuyo sa maong dapit kay mas mapadali ug hapsay na ang pagbyahe nila niini.
Kahinumduman nga gikan sa paglingkod ni DPWH Sec. Mark Villar daghanan na kaayong mga proyekto ang iyang napatuman ug daghan na usab ang nakapahimulos sa hapit na magduha katuig gikan sa iyang paglingkod isip sekretarya sa maong ahensya.
Lauman usab nato matod pa ni Sec. Mark Villar ang dugang pa nga mga proyektong nga sarang makatabang sa atong adlaw-adlaw nga pagkinabuhi.
