Subli karon nagpahinumdom ang kapulisan ngadto sa mga katawhan ilabi na dinhi sa probinsya sa Zamboanga del norte kalabot sa padayon nga pagpang recruit sa mga rebeldeng NPA.
Target karon sa mga rebeldeng NPA sa ilang pagpang-anghat ang mga linghod pa ang edad sama sa mga studyante.
Dinhi sa probinsya sa Zamboanga del norte, dili ika lilong nga daghang mga naglihok nga NPA hinungdan nga padayon ang panawagan karon sa kapulisan ngadto sa mga ginikanan nga bantayan ang mga anak ug I monitor ang mga lihok sa mga bata kun aduna ba kini lahi nga binuhatan ilabi na ang pakiglambigit sa NPA.
Nanawagan usab ang kapulisan samtang dili pa ulahi ang tanan, mas maayo nga mo balik na sa sabakan sa gobyerno aron makapanginabuhi ug hapsay diha sa komunidad.
Samtang walay mga dagkong panghitabo ang natala karon sa buhatan sa kapulisan, gawas lamang sa mga petty crimes apan dili kini makapatandog sa kahapsay ug kalinaw sa probinsya.
