Tungod sa hugot nga pagpatuman sa seguridad sa mga kapulisan sa nagkadaiyang kalungsuran dakong pasalamat sa mga katawhan tungod kay hapsay ug malinawon ang tibuok probinsya sa Zamboanga del norte.
Walay mga dagkong panghitabo ang natala sa mga kapulisan sa matag Municipal Police Station ning probinsya gawas lamang sa mga petty crimes apan dili angay kabalak-an tungod kay dili kini makapatandog sa kahapsay ug kalinaw sa probinsya.
Resulta kini sa matag karon ug unya nga pagpatuman ug mga checkpoint sa kapulisan sa mga kadalanan aron mabantayan ang mga dautang elemento nga mo sulod ug gawas sa ilang AOR.
Samtang dinhi sa dakbayan sa Dipolog mas gipahugtan pa pag-ayo ang seguridad alayon kini sa dakong aktibidad sa probinsya nga mao ang SAULOG 2018.
Adunay makita nga mga pulis sa matag eskina dinhi sa tibuok syudad dili lamang pagbantay sa posibleng mahitabo nga mga krimen apan lakip nga ilang gibantayan ang dagan sa trapiko ilabi na nga daghan ang mga bisita gikan pa sa mga lagyong lugar.
