Zamboanga del Sur- Gitay-og sa magnitude 4.3 nga linog ang probinsya sa Zamboanga del Sur alas 8:14 kagabii. Natumbok nga ang epicenter sa pagtay-og anaa sa 6 kilometers northwest sa lungsod sa Midsalip ning probinsya.
Sumala sa ulahing taho sa Philippine Institute of Volcanology and Seismology (Phivolcs) ang nasinati nga paglihok tectonic in origin nga dunay gilawmong 13 kelometros.
Nakasinati usab og Intensity 3 ang Dipolog City sa Zamboanga del Norte, Intensity 2 sa Molave, Zamboanga del Sur ug Intensity 1 sa Zamboanga City.
Bisan walay nasinati nga after shocks nabalaka ang pipila ka residente sa Brgy. Kawit ug Whitebeach sa Pagadian City rason paspas nga nitungas sa ibabaw nga bahin sa syudad. Pipila ka oras silang nagpabilin sa luyo nga bahin sa Gymnasium apan namauli ra usab uban ang ilang pamilya.
