Zamboanga del Sur – NAG-UNA ang probinsya sa Zamboanga del Sur sa ihap sa kasong pagpamusil sa tibook rehiyon 9 kini base sa talaan nga gipagawas sa Regional Police Office 9.
Nakuhang datos sa RMN-DXPR Pagadian News Team dunay 20 ka kasong pagpamusil ang nahitabo sa probinsya gikan bulan sa enero hangtud prebero ning tuiga.
Samtang gisundan usab kini sa Zamboanga Sibugay nga dunay walo ka kasong pagpamusil, dunay tag-lima usab sa Zamboanga City ug Zamboanga del Norte ug tulo usab sa Isabela City.
Atol sa Regional Peace and Order Council (RPOC-9) meeting niabot sa 40 ka kaso sa tibook sa Zamboanga Peninsula area nga mas ubos kumpara sa niaging tuig nga niabot sa 72 ka kaso sa pareho nga bulan. Sigon sa PRO 9, niabot sa 45.71 porsyento ang pagkunhod sa shooting incident sa rehiyon.
