Roxas City, Capiz – Gindeklarar ni Capiz Governor Esteban Evan B. Contreras nga ipaidalom sa strict quarantine epektibo kahapon nga adlaw, Marso 15 ang bilog nga probinsya sang Capiz. Ini agud nga malikawan ang paglapta sang Corona Virus Disease 2019 (COVID-19).
Base sa Executive Order No. 11, series of 2020, hugot nga ipatuman ang quarantine procedures para sa mga indibidwal nga maga-sulod sa probinsya.
Samtang excempted naman ang mga persona nga nagatravel ukon nagadeliver sang social or humanitarian services, fishing/marine activities, scientific or academic kag iban pa nga mga essential purposes apang magapaidalom naman ang mga ini sa guidelines base sa Republic Act 11332 ukon Mandatory Reporting of Notifiable Disease and Health Events of Public Health Concern Act kag Republic Act No. 9271 ukon Quarantine Act of 2004.
Ang mga persona nga nakabayolar sa restriction protocols ang igapaidalom sa 14-day mandatory quarantine.
Epektibo na ang General Community Quarantine sa bilog nga probinsya sang Capiz matapos ang ginpapanaog nga Execxutive Order Number 11 ni Capiz Governor Esteban Evan Contreras.
Base sa Section 4 sang nasambitan nga EO, ginamandoan ang tanan nga mga local government units nga sundon ang direktiba kag guidelines halin sa Department of Health kag DILG angut sa pagpatuman sang General Community Quarantine.
Samtang ginamanduan man sa pagpatuman sang amo nga deriktiba ang Philipine National Police, Philippine Coastguard kag Aviation Security Group.
photo(c)- Capiz Kabalaka Info Center
