Roxas City, Capiz – May yara sang mabatun nga dugang nga COVID-19 vaccine ang probinsya sang Capiz.
Suno kay OIC Provincial Health Officer Dr Alex Nolasco, kapin sa 1,790 ka vials sang COVID-19 Vaccines nga iya sang CoronaVac (SINOVAC) halin sa national government paagi sa Department of Health Western Visayas Center for Health Development ang mabatun sang probinsya sang Capiz.
Ini amo na ang ikaduha nga batch sang vaccine para sa Capiz.
Bangud sini naglab-ot na sa kabug-osan nga 2,440 ka vials ang gin-alokar sa siyam (9) tanan ka mga ospital sa probinsya para sa mga medical frontliners kag iban pa nga health workers.
Ang Roxas Memorial Provincial Hospital ang magabatun sang 650 ka SINOVAC vaccine; Bailan District Hospital – 180; Mambusao District Hospital – 150; Senator Gerardo M. Roxas Memorial District Hospital – 120; Tapaz District Hospital – 90.
Samtang sa mga pribado nga ospital, ang Capiz Doctors’ Hospital, Inc. ang magabatun sang 300 ka vials sang bakuna; Capiz Emmanuel Hospital, Inc. – 350; St. Anthony College Hospital, Inc. – 450 samtang ang The Health Centrum Hospital, Inc ang magabaton sang 150 ka SINOVAC vaccine.
