Probinsya sang Capiz, may masobra pa sa 600 ka pending result sang RT- PCR test nga ginahulat suno sa PHO!

Roxas City, Capiz- Ginkumpirmar ni Information Officer Ayre Altavas sang Provincial Health Office nga 604 ka mga pending result sang RT- PCR test ang wala pa maka-abot kag padayon nga ginahulat sang PHO.

Ang nsambit nga numero ang natunga sa mga locally stranded individuals ukon LSI nga may yara sang 369, returning overseas Filipinos nga 198; high risk contacts nga 8 kag suspect cases nga 36 ka bilog. Aminado si Altavas nga indi malikawan nga may yara sang backlog sa kadamuon sang specimen nga gina test gani ginalauman ang pag– abot sang binulto nga resulta umpisa subong nga adlaw.

Samtang, isa ka dako nga bagay suno kay Altavas ang plano sang city government kag provincial government nga pagpahamtang sang kaugalingon nga molecular laboratory ukon RT- PCR lab bangud pinaagi diri mangin mas madali na ang paghulat sang resulta sang mga specimen sa RT- PCR test.


Facebook Comments