Nagpanguna ang probinsya sang Guimaras sa may pinakamadamo nga turista nga nagpadulong sang nakaligad nga semana santa humalin sang Huwebes santo tubtub sang Domingo sang pagkabanhaw.
Base sa record sang DOT-6, 17,905 ka mga turista ang nagpadulong sa Guimaras via Jordan, 12,518 naman ang nagpadulong via Buenavista kag 10,024 naman ang nagpadulong direkta sa Blalaan Bukid.
Ginpahayag ni DOT-6 Director Atty. Helen Catalbas nga sa bilog nga Western Visayas naglab-ot sa 181,653 ang partial number sang mga turista nga nagbisita diri.
Suno kay Catalbas nga ginalauman niya nga posible magalab-ot pa sa 200 mil ang numero sang mga turista nga nagpadulong sa mga tourist destination sa rehiyon sa tion nga makapadala na sang data ang tanan nga tourist spots ilabi na sa Northern Iloilo.
