Nagdeklarar naman sang dengue outbreak ang probinsya sang Guimaras.
Ginpahayag ni Guimaras Governor Samuel Gumarin nga nagtaas sang 800% ang kaso sang dengue sa ila probinsya kon sa diin sang 2018 may yara lamang sang 49 ka kaso sang dengue sa Guimaras apang subong nga 2019, naglab-ot na sa 540 ang nabiktima sang balatian.
Suno kay Gumarin nga iya gina-engganyo ang mga pumuluyo sang Guimaras nga maghimo sang mga tikang kag pamaagi agud matapna ang pagmuad sang mga lamok nga carrier sang dengue.
Ginsapol naman sang gobernador ang mga Barangay officials sa bilog nga probinsya kag mga opisyal sang concerned agencies kag ila ginplanuhan ang mga pagahimuon nga lihok agud mapunggan ang labi pa nga pagtaas sang kaso sang dengue sa Guimaras.
Facebook Comments
