May isa na ka kumpirmado nga kaso sang coronavirus disease ukon COVID-19 sa Probinsya sang Iloilo.
Ginkumpirmar ni DOH 6 Regional Director Dr. Marlyn Convocar nga positibo ang test result nga naguwa sini nga adlaw Marso 21, sang 65-anyos nga lalaki gikan sa banwa sang Guimbal, Iloilo.
Suno kay Convocar nga indi estable ang kondisyon sang pasyente nga una nga nagbatyag sang ubo kag hilanat sang Marso 6 kag ginkuhaan sang swab samples sang Marso 13 kag karon naka-confine sa isa kaospital sa siyudad sang Iloilo.
Bangud sini, ginahimo na karon sang DOH ang contact tracing sa mga nakaupod sang pasyente lakip na ang mga himata sini halin sa Japan, lakip na ang mga staff sang ospital agud mapaidalum sa quarantine.
Ini na ang ikaduha nga positibo nga kaso sang COVID-19 sa Western Visayas matapos kahapon, isa ka 56-anyos sa siyudad sang Bacolod ang nagpositibo sa balatian kag karon yara na sa maayo nga kondisyon.
