Ginahulat na lang nga pirmahan ni Gov. Arthur Defensor Sr. ang ordinansa kon sa diin mangin tagline sang probinsya sang Iloilo ang ” IT HAS TO BE ILOILO”.
Suno kay 1st District Board Member Marcelo Valentine Serag, tinutuyo sang nasambit nga ordinansa nga makilala ang probinsya sang Iloilo ilabi na sa patag sang turismo.
Ginpahayag ni Serag nga nakilala ang Iloilo bangud sa syudad kag sa Dinagyang festival apang madamo pa sang mga lugar sa mga kabanwahanan nga manami kadtuan kag mapabugal sa bilog nga kalibutan ilabi na sa Northern kag Sounthern part sang probinsya.
Pinaagi sa tagline nga “It has to be Iloilo”, ma-identify kag madumduman gilayon sang mga dumuluong ang probinsya sang Iloilo.
Dugang pa ni Serag, magasapol sila sa launching sang nasambit nga tagline kag magahiwat sang logo-making contest para sa official nga logo nga gamiton sa tagsa ka tion nga i-advertise ang probinsya sang Iloilo.
