Pasado alas sais karong gabie mikalit og bundak ang kusog nga uwan sa may downtown area sa Sugbo. Sama naku nga nakahibaw nang bahaunon ang dalan Colon maguol gyud ka. Pwerte gyung guola kay sa kabaha sa maong dalan, pwede kang mag surfing, jetski o skim boarding. Ug molahos ka sa unahan pwede gane kang mag scuba diving kay lapas na sa tuhod ang baha sa may dalan M.J. Cuenco.
Louy kaayo ang mga trabahante nga natanggong sa baha. Aside nga kapoy sige barog kilid sa side walk para mag atang og jeep o taxi o kung mas sosyal, naka Uber, gutom na pa gyud. Kato pong mga gikan nangompra pwerteng louya. Katong naay dala nga bata o senior maperwisyo gyud sigurado.
iDOL, isa ba ka sa naperwisyo sa baha sa may dalan Colon karon? Kay ako isa gyud ko. Kay kung nahibaw-an pa, magdala unta kog baroto o surfing board para magbugsay nalang ko padung uli. Paet ning baha bitaw. Paetz!
Unsay inyo comment mga iDOL? Basig naa kay gustong ipaabot sa gobyerno o sa tanan ba kaha. Comment below ha.
