Problema sa basura sa daplin sa dalan ug kanal, gi-aksyonan sa barangay

Davao City – Gitutokan ug gi-aksyonan sa mga Barangay Official sa Barangay 76-A, Bucana, ang problema sa naghitak nga basura sa daplin sa dalan og kanal sa ilang Barangay.

Sa interview sa DXDC RMN Davao kang Barangay 76-A Brgy.Captain Robert Olan Olan gisulti niya, prayoridad sa iyang Barangay ang pagkolekta sa mga basura og pagpahigayon og clean-up drive sa ilang lugar.

Segun ni Olan Olan, adunay balaud nga gimugna sa Barangay nga gisuportahan usab sa Brgy. Council nga “No Basura No dump truck policy”.

Gipasabot sa opisyal, pinaagi sa bag-ong palisiya nga gipatuman sa Barangay walay basura nga igawas kung wala pa moabot ang dump truck.

“Sa una man god ang nahitabo naa silay gipanghimong dumpsite so diha ginabutang ang mga basura tapus dili makuha lalo na Sunday kay garbage collector walay truck mag collect sa basura ang tendency magtapok diha dumping site”, sulti ni Ola Olan.

Kahinuduman usa ka langyaw nga si Daryll Blatchley D’ Bone Collector Museum, ang nagpost sa social media nga naghitak ang mga basura sa daplin sa dalan ug kanal sa nasampit lugar, resulta nga mi-ani og mga nagkalaing laing reaksyon og mga komento

RadyoMaN Don Pulayao