Gipanghinaut ni City Mayor Celso Regencia nga human sa nahitabong tigum kagahapong adlawa kauban ang kadagkuan sa Iligan Light and Power Incorporated o ILPI, National Power Corporation/PSALM ug National Grid Corporation of the Philippines o NGCP mahatagan ug kasulbaran ang problema sa kalit nga pagsaka sa bayronon sa kuryente karong panahona.
Pinaagi sa Chairman sa Committee on Energy ug Vice Chairman sa konseho gimando-an ni Mayor Regencia sila si Councilor Sorilie Bacsarpa ug Jake Balanay nga pangitaan ug kasulbaran ang maong problema.
Kini aron matagaan usab ug tubag ang katawhang iliganon labot sa kalit lang nga pagsaka sa bayronon sa kuryente sugod sa bulan sa pebrero.
Gipanghinaut usab ni Regencia ang kooperasyon sa kadagkuan sa ILPI alang sa kasulbaran sa nasangpit nga problema.
