Sa interview sa DXDC RMN Davao kang Kleah Guevarra sa PhilHealth XI atol sa Serbisyong Straight to the Point ni RadyoMaN Renz Barbarona, iyang gibutyag nga sa pagkakaron offline pa gihapon ang ilang mga buhatan apan ang members portal pwede nang magamit og balik lakip na ang membership, member’s records, pagprinta og MDR ug pagbayad online.
Dugang pa nga kung muadto sa ilang opisina, mao-mano ang proseso hinungdan nga dili dayon kini malihok ug gilayong i-contact ra sa PhilHealth ang kliyente kung pwede na kining makuha.
Sa pagkakaron, padayon pang ginasuta kung unsa nga mga data ang nakompromiso ug giawhag usab ni Guevarra ang mga myembro nga bisitahon ang Facebook page sa PhilHealth aron nga mahimong updated kung unsa man ang kalambuan gikan sa central office.
RadyoMaN Ivy Parido
