Problema sa WPS, buot madungog sa dabawenya sa SONA ni PBBM

Davao City – Gawas sa presyo sa palaliton, nanghinaut ang dabawenyos nga matuki ni President Ferdinand Marcos Jr. sa iyahang State of the Nation Address (SONA) karong Lunes July 22, 2022 ang isyu sa West Philippine Sea (WPS).

Sa interview sa DXDC RMN Davao sa dabawenyang si Dolly Tan, iyang gibutyag nga daghan na kaayo’g naangol nga miyembro sa Philippine navy ug coast guard ingon man mga mangingisdang napagan apan wala matud pa siyay nadungog nga adunay gihimong lakang ang presidente aron kini masulbad.

“Dapat ang i-discuss ni PBBM kanang nahitabo sa WPS. Daghan na’g provoking gihimo ang China unya wala koy nadungog aksyon ni PBBM ana, unsa man iyang aksyon ana? Nga ang taga coast guard ug navy, nasakitan na, naputlan na og tudlo. Unsa may iyahang aksyon ana?” segun pa ni Tan.

Kahinumdoman nga niini lang June 2024, kapila na giatake sa Chinese coastguard ang pwersa sa Pilipinas ug gipangguba pa ang mga ekipo ug gamit sa mga vessels nga gikaalarma sab sa concerned citizens.

RadyoMaN Ivy Parido