Alas 6:00 sa buntag kagahapong adlawa, mismo ang bayaw nga si Alyas Boy, ang nakadiskobre sa paghikog patay sa biktima nga giilang si Alyas Edmund, 35 anyos, dunay kapuyo, lumad sa Pagadian City, Zamboanga Del Sur.
Gikan nagtugway sa kabaw si Alyas Boy, dihang nakita niini si Edmund nga nagbitay na ilawom sa punoan sa mangga gamit ang itom nga pisi nga gihikot sa iyang leog. Gilayong gipahibalo si Kagawad Ricky Duremdes, kinsa mao nay nagpahibalo na sa kapulisan.
Subay sa imbestigasyon, nagbaton og personal nga suliran si Edmund diin gitohoan sa aw toridad nga mao kini ang hinungdan sa pagtapus sa iyang kinabuhi ug nagbilin pa og sulat (suicide notes) alang sa iyang pamilya.
Tambag sa kapulisan sa mga adunay gihambin nga problema nga modangop sa Department of Social Welfare and Development (DSWD) o sa medical expert aron matabangan sa problemang gisagubang.
RadyoMaN Joel Viray
