Davao City – Personal nga gipakita sa mga lumad ang ilang mga produkto atubangan sa katawahan ilabi na kang Vice President Sara Duterte nga mibisita usab sa Tribal Village sa Magsaysay Park, Davao City kagahapon, Agosto 15, 2023 subay sa ika-38 nga selebrasyon sa Kadayawan Festival.
Usa sa gi-showcase sa tribung Matigsalug gikan sa Barangay Marilog, mao ang ilang mga basket nga usa sa ilang tradisyunal nga gamit, diin pipila niini ang materyales gama sa wild bamboo plant, ug maoy ginagamit sa ilang komunidad.
Ang paghimo sa maong mga produkto usab ang nahimo na nga main source sa panginabuhian sa mga lumad sa lugar.
“Among gipanghinaut nga mapasa pa namo sa next namo nga henerasyon para dili mawala ang tong giampingan namo na mga tradisyon,” sulti ni Julieto Dalagma, Matigsalug tribe representative.
Ang Bantawan Cultural Celebration magsugod alas 3:00pm-8:00pm gikan Agosto 14-16, 2023 sa Kadayawan Village ug Bantawan Amphitheater sa Magsaysay Park.
RadyoMaN Kirby Manzon
Facebook Comments
