*General Santos City——————– Gikumpirma ni Sammy Malvas, ang regional director sa Buereau of Fisheries and Aquatic Resources 12 (BFAR) nga gipabalik sa Estados Unidos ang ubay-ubay nga mga frozen tuna cubes ug steaks nga ilahang gi-import human kining magpostibo sa Hepatitis A virus.*
*Sumala kang Malvas nga sa karon ilaha ng gina-imbestigahan kung asa gikan ang maong produkto nga gi-proseso sa Sta. Cruz Seafood Inc. nga nahimutang sa Brgy. Tambler ning syudad sa General Santos.*
*Lakip sa ilahang ginasuta kung igo lang nga gipalit sa maong kumpanya ang raw materials ayha giproseso o sila mismo maoy mikuha sa mga tuna.*
*Pamahayag niini nga adunay mga health card ang tanang mga empleyado sa Canning industry sa dakbayan sa Gensan rason nga ilahang sutaon kung asa gikan ang maong virus.*
*Pag-angkon niya nga walay himan ang rehiyon nga mamahimong magamit s apagsuta sa mga virus nga anaa sa mga pagkaon, apan sa tawo, aduna matud pa gumikan usa man ang hepatitis nga ginasuta alang sa pag-apply ug trabaho.*
*Kini matud pa ang unang higayon nga adunay produkto gikan sa rehiyon 12 ang gipabalik gumikan sa pagpositibo sa Hepatitis A.*
*Gawas sa produkto gikan sa Sta. Cruz Seafood Inc, apil nga gipabalik angprodutko gikan sa nasud Vietman gumikan usab sa susamang rason. (LORE MAE V. ROMUALDO)*
