PROGRAMANG PA-KURYENTE PADAGOS NA PINAPAHIWAS SA PARTIDO

28

25 February, Caramoan, Cam. Sur–Bakong ulang an distansya kan mga sitio sa ika-apat na Distrito, Partido Area, para ipaabot ang serbisyo kan kuryente.
Kairiba ang linyada kan NPC Kapamilya, binisita ni Arnie Fuentebella asin Nonoy Andaya ang mga recipientes kan programang “ILAW MO, SAGOT KO” Program sa banwaan nin Caramoan dae pa sana nahahaloy.
An programang ini ni Fuentebella asin Andaya na pagpa-ilaw sa mga hararayong sitio nabilog sa pakikipagtabangan sa CASURECO IV na nagiimplementar kan Sitio Electrification Program kan National Electrification Administration.
Bilang simbag sa pangangaipo nin ilaw kan mga residentes, an “ILAW MO, SAGOT KO” Program an maasumer kan gastos sa pagpatakod nin kuryente sa kada harong kan mga kaayon sa programa.
An adbokasiya ni Fuentebella na ASENSO NG BAHAY, ASENSO KAN BUHAY nakacentro sa pagbukas nin mga oportunidad sa pag-asenso kan lambang pamilya sa paagi nin paghatod kan mga nadadapat na serbisyo sa tao, arog kan edukasyon, trabaho, salud, ilaw asin tubig asin imprastraktura.
Dagdag pa ni Arnie Fuentebella, “Igwa nang kuryente an enterong 299 barangay kan distrito. An satuyang gigibohon ngunyan iyo an syento porsiyentong pa-ilaw sa mga sitio kan Partido.”
textcredit:ma.celiasanjose

Facebook Comments

From Advertisers